Saturday, February 27, 2010

වචනයක් ඇති




කථා බහ වැදගත්ව

භාෂාව නිතැතින්ම

චින්තනය ඉහලින්ම

වටී ලොව හැමදාම


අද බැලුවතින් එලිය දෙස

ගහ මරාගෙන බොහෝ අය

අත්තේ පොඩි ගැටළුවකි විසදන්න

වචන දෙක තුනෙන් නිමවන්න


පෙර දවස ගැටලු දැක

විසදා ගතී සුහදවම

විස්මයක් නැත එතුල

ඇත්තේ හිමි නුවණ පතුරාම

Tuesday, February 23, 2010

රාගී රූ සපුව



ඇගේ රාගී රූ සපුව
දැක හැගුම් ජනිතවන
නැත නමුදු තවකෙකුට එය
ඇය නොව නුබෙ ඇස්ය රාගික


(විශේෂ ස්තූතිය එළකිරියේ අයියණ්ඩීට)

Friday, February 19, 2010

මවකගේ සාපය




වැදූ දරු කුස දරා
හැදූ බව කිරි පොවා
වැඩුන පුත් ලොකු වෙලා
ගමන් යයි පෙර මන් බලා

දියුණු වන පුතු දිහා
මිනිස් ඇස් යොමුවෙලා
රුදුරු රකුසන් වටවෙලා
මරා දමයයි කඩු පහරින් ගසා

මවට දුක බැරි ඉවසලා
සාප තබවයි දිවුරලා
ඝාතකයන් පසු අසුවුනා
කාලයෙන් පසු නිදහස් වුනා

ඝාතකයෙකු විවා දිවි ගෙවා
බිරිඳ දරුවෙකු බිහිකලා
කැපුම් සළකුණු මෙන් තියා
උපන් දරු අත් පිහිටියා

දෙවස් දරු පසු මිය යනා
අභිරහස් දෙය පෙන්වලා
මවගේ ශාපය පළදෙනා
පෙනේ අප සිත් මවිතෙනා

Wednesday, February 17, 2010

ඉලව් වෙළදාම



ඊයේ ගෙනාපු තොග විකුණන්න

වෙළදාම් කටයුතු උදේ සිට
ඉතින් මොකද නේද?
මිනිස්සුන්ට වැඩනේ..
නමුත්
නරුම වැඩේ කියන්නේ
අම්මා ලොවෙන් සමුඅරන්
ගෙදර මළ ගෙයක්..........
අහෝ ! මෙහෙව් ලොවක්

Sunday, February 14, 2010

සතුට





මුදල් මත අත පොවා හිඳ
ගතහැකි මුත් බොහෝ දෙය
අනමුදු ගත හැකිද සතුටු බව
කෙනෙකුගේ සිත් පිරී යන

Wednesday, February 10, 2010

ලොකු චොක්ලට්




සල්ලි නැති කොට
දුන්නට පොඩි චොක්ලට්
කිව්වේ ආදරය නැති බවක්
විලාප තබමින්ම

සල්ලි ගහක් වත් හිටවනව
ඇත්තමයි අද හෙටම
සල්ලි තිබ්බනම් දනී මම
පෙන්වන්න ආදරයේ ප්‍රමාණය

Sunday, February 7, 2010

සාමයේ කිරුළ




සාමයේ කිරුළ ඔහු හිසමත
පැළදවූ වග නම් හරසරින
මහා ආඩම්බරයක් වේ අපට
ප්‍රෞඩ වූ ලාංකිකයෙකු ලෙසට

Saturday, February 6, 2010

මුදලාලි අංශය



හිතන් ඉන්නෙ ලොක්කො කියලද

ඕන ඕන විදියට ගණන් වැඩිකරන්න
ඔය සුද්දො ඉගැන්නුව පාඩම්
ඔය සෙල්ලම් තව ටික දවසයි..

නව ලිබරල් වාදය ගිල්ලුවට
වස්තියක් කරල අපි එලියට ගත්ත
අයේ ගිල්ලොත් ගිලින්නේ
සමාජ ප්‍රජාතන්ත්‍රවාද විතරයි

මේක මතක තියා ගනින් හොදට
උඔලගේ මහලොකු පුද්ගලික අංශය
රාජ්‍යයේ කුඩා කොටසක් මිසක්
රාජ්‍යය උඔලගේ කොටසක් නෙමේ කියල...

නුඹ ලෙඩෙකි



සමාජයෙන් වෙන්ව

මූණු පොතේ එඹිකම්
ගෙදර කථා නැතිමුත්
චැට් වල් පල් දොඩවත්

වෙද දුරනුත් දැන් දැන්
මෙය ලෙඩක් වෙතැයි පවසත්
සිහිනුවණින් හිතා බලා
තීරණයක් වැදගත්

දිගට දිගට ඇබ්බැහිකම
පිස්සන් බිහිකරතිත්
කාලය මැන මිනිස් ඇසුර
අද හෙටටත් යහපත්

Thursday, February 4, 2010

මධුසමය




මධුසමය රාත්‍රිය
ස්ත්‍රිරියට උතුම් වෙද
නොදුටුවොත් ලේ බිදුව
සුදු රෙදි කඩක තැවරුණ


(සමාජයේ බහුල වූ දැක්මකි , පුද්ගලික මතය නම් මෙය නොපිලිගන්නා බවයි)

Wednesday, February 3, 2010

රකිමු ලක් මව






උදාවෙන හෙටක්

සතුටු පිරි සිත් ගොඩක්
එකතුව මුළු රටක්
සමරව් නිදහස් දිනක්

බුදුන් වැඩි පින් බිමක්
රජුන් හැඩ කල රටක්
ලොව උතුම් මව් බිමක්
රකිමු අද මෙන් හෙටත්