රැකගන්න ගෞරවය

නිදහස්ව
නිශ්ෂබ්දව
රැකගන්න
ගෞරවය
තවමත්
ඉතිරි වූ...

සිතුවිලි ඉකිගසන

 

නිදියන්න ඉඩදෙන්න නුඹ තුරුලේම

පවසන්න, ඉඩදෙන්න බැරිදෝ මන්ද?

ඉවසන්න බෑ .. කියන සිතුවිලි ඉකිගසන

කියන දේ නාහන හිත, මේ පිම්මේ දුවන

ඉවසපන් සිව්හෙලේ

ඩොලර් මත නටන කැනහිලුන්
ග්‍රීස් යකාගෙන් බැරිවුන සෙල්ලම්
නැවතත් නටන්නට සැරසෙත්
ඉවසපන් සිව්හෙලේ ඉවසපන්

නොවන පැතුමන්

හිතවත්කමක් හිතලඟටම විත්
දැනෙන හැඟුමින් මා හිත ඉපිලෙන්
ලොඹ බැඳගත් ඇසුරක් යයිද දුරදිග තෙක්
හිත බයෙන් නොවන පැතුමන් ඉල්ලයි දෝ මැයි

අවුරුදු සරුදැයි බොල

සරුවට ඇතිද ඔහේ,
කිරිබත් මේසා ඉතිරෙනා ලෙසේ,
කොටහක් මටත් අරන් අනේ,
එනවද ලැබූ මේ නව වසරේ